Brennidepill

Rúmlega 20 ára reynslu mína við mannauðsmál og stjórnun er svo eitthvað sem ég nota líka í stjórnunarráðgjöf fyrir fyrirtæki og eins í þjónustuna mína Bakhjarl á bakvakt

Ég hef alla tíð haft gaman að, og gert mikið af því að lesa og fræðast - og miðla svo þekkingu minni og reynslu með öðrum

“Being a self-leader is to serve as

chief, captain, president, or CEO of one’s own life”

Meira um mig - og hvað ég get gert fyrir þig:

Ég hef starfað við mannauðsmál og stjórnun frá árinu 2000, mest á sviði almennrar mannauðsstjórnunar en einnig á sviði rekstrar, markaðsmála, húsnæðismála o fl Frá árinu 2006 hef ég verið í framkvæmdastjórnun þeirra fyrirtækja sem ég hef starfað hjá, en ég hef einnig setið í stjórnum fyrirtækja og félagasamtaka og sinnt ýmsum sjálfboðaliðastörfum

Ég hef mikið verið í breytingastjórnun, m a tengt sameiningum fyrirtækja, við að breyta menningu og ímynd fyrirtækja o fl Einnig stuðningi við stjórnendur með þeirra hlutverk og almenna starfsmenn, varðandi hvernig þeir geta sem best haldið áfram í breytilegu umhverfi

Ég hef mjög gaman af að lesa og fræðast - en ekki síður að miðla þekkingu minni og reynslu með öðrum Þessa dagana er mér mjög hugleikið að skoða allt varðandi framtíð vinnu, vinnustaða, vinnuafls og vinnumarkaðar

Á undanförnum árum hafa birst eftir mig mikill fjöldi greina um stjórnun en einnig hef ég mætt í fjölmörg viðtöl í útvarpi og sjónvarpi, um stjórnun og ýmislegt sem tengist mannauðsmálum Einnig hef ég talað á mörgum ráðstefnum, innanlands og utan

Í september, árið 2021, kom út bók sem ég skrifaði með dr Árelíu Eydísi Guðmundsdóttur; Völundarhús tækifæranna - bylting á vinnumarkaði, giggarar og aukin lífsgæði

Í kjölfarið hef ég haldið töluvert af erindum fyrir fyrirtæki og félög, um framtíð vinnu, vinnustaða, vinnuafls og vinnumarkaðar

Ég lauk MBA námi frá University of New Haven í CT, USA, vorið 2000

Ég lauk námi í Executive Coaching frá Háskólanum í Reykjavík árið 2012 Ég fékk ACC vottun markþjálfa frá ICF árið 2013 og endurnýjaði vottunina svo árið 2016 Sökum anna náði ég ekki að endurnýja vottunina árið 2019 - en getan til að markþjálfa er enn til staðar